FN KH App Logo
Fresh News
FN MEDIA CO., LTD.
GET -- on the App Store
INSTALL

ក្រុមការងារអាហារូបករណ៍ អ.ម.ត រៀបចំពិធីសំណេះសំណាល និងតម្រង់ទិសសិក្សាដល់និស្សិតជ័យលាភីអាហារូបករណ៍ អ.ម.ត ឆ្នាំសិក្សា ២០២៦-២០២៧

18-11-2026 09:52

(ភ្នំពេញ)៖ នាថ្ងៃទី១៧ ខែវិច្ឆិកា ឆ្នាំ២០២៦ ក្រុមការងារអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) បានពិធីសំណេះសំណាល និងតម្រង់ទិសសិក្សាជូនដល់និស្សិតជ័យលាភីជំនាន់ថ្មី ដែលព្រឹត្តិការណ៍ដ៏មានអត្ថន័យនេះ ត្រូវបានចាត់ទុកជា «របត់យុទ្ធសាស្ត្រគន្លឹះ» ក្នុងការរៀបចំផែនទីបង្ហាញផ្លូវយ៉ាងស៊ីជម្រៅ ដោយមិនត្រឹមតែជាការស្វាគមន៍ធម្មតានោះឡើយ ប៉ុន្តែជាការបណ្តុះស្មារតីទទួលខុសត្រូវខ្ពស់ និងការតភ្ជាប់បណ្តាញបញ្ញវន្តវ័យក្មេង ដើម្បីក្លាយជាកម្លាំងចលករដ៏មានឥទ្ធិពលក្នុងការជំរុញសេដ្ឋកិច្ចឌីជីថលសាកល និងការអភិវឌ្ឍសង្គមជាតិ។

ក្នុងឱកាសនោះ យុវជនជ័យលាភីទាំងអស់ត្រូវបានរំលឹកឱ្យយកចិត្តទុកដាក់ខ្ពស់លើការបង្រួបបង្រួមរវាង «ចំណេះដឹងទ្រឹស្តីក្នុងសៀវភៅ (Book Knowledge)» និង «ការអនុវត្តការងារជាក់ស្តែងក្នុងសង្គម (Street Knowledge)» ដែលការផ្សារភ្ជាប់គ្នានេះ នឹងជួយឱ្យនិស្សិតរក្សាបាននូវឧត្តមភាពសិក្សា សីលធម៌វិជ្ជាជីវៈ និងមោទកភាពជាតិ ត្រៀមខ្លួនបោះជំហានយ៉ាងមុតស្រួចក្លាយជា «មូលធនមនុស្សប្រកបដោយសមត្ថភាពខ្ពស់» និងជា «ទូតសុឆន្ទៈដ៏ប្រាកដប្រជារបស់ព្រះរាជាណាចក្រកម្ពុជា» នៅលើឆាកអន្តរជាតិ៕