(រតនគិរី)៖ ដោយទទួលបានការអនុញ្ញាតពីនាយឧត្តមសេនីយ៍ ស ថេត អគ្គស្នងការនគរបាលជាតិ នៅព្រឹកថ្ងៃទី១១ ខែវិច្ឆិកា ឆ្នាំ២០២៦នេះ លោកឧត្តមសេនីយ៍ទោ អ៊ុង សុភាព ស្នងកានគរបាលខេត្តរតនគិរី បានអញ្ជើញប្រារព្ធពិធីក្រុងពាលីបញ្ចុះបឋមសិលា បើកការដ្ឋានសាងសង់អគារស្នាក់នៅ និងអគារធ្វើការ នៃទីបញ្ជាការដ្ឋាននគរបាលវរការពារព្រំដែនគោកលេខ៦២៣ ដែលជាអំណោយឧបត្ថម្ភថវិការបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។

ក្នុងពិធីនោះ ក៏មានការចូលរួមពី លោកឧត្តមសេនីយ៍, លោកវរសេនីយ៍ស្នងការរង, លោកមេបញ្ជាការ-លោកមេបញ្ជាការរងវរការពារព្រំដែន ព្រមទាំងនាយនគរបាល-នាយនគរបាលរងជាច្រើនរូបផងដែរ។

សូមបញ្ជាក់ថា អំណោយរបស់សម្តេចមហាបវរធិបតី ហ៊ុន ម៉ាណែត មានអគារស្នាក់នៅមានទំហំ៤០៨ម៉ែត្រការ៉េ (មាន១២បន្ទប់) និងអគារធ្វើការទំ៣២០ម៉ែត្រការ៉េ (មាន៤បន្ទប់)៕