(ភ្នំពេញ)៖ Kaige Mao យុវសិស្សឆ្នើមរបស់សាលាអន្តរជាតិអូស្ត្រាលីភ្នំពេញ (AISPP) ដែលសិស្សបញ្ចប់ការសិក្សាឆ្នាំ២០២៧ (Class of 2027) ទទួលបានការ​ការសិក្សា​កម្រិត​ឧត្តមសិក្សាពីសាកលវិទ្យាល័យល្បីល្បាញលំដាប់អន្តរជាតិចំនួន៣នៅចក្រភពអង់គ្លេស និងប្រទេសអូស្ត្រាលី។ សាលាទាំង៣នោះរួមមាន៖ The University of Melbourne របស់ប្រទេសអូស្ត្រាលី, King’s College London និងThe University of Manchester របស់ចក្រភពអង់គ្លេស។

សាលា AISPP ដែលជាសាលាដ៏ល្បាញល្បីមួយនៅកម្ពុជា បានចាត់ទុកសមិទ្ធ​ផលដ៏​អស្ចារ្យ​នេះ មិនត្រឹមតែជាការទទួលបានការផ្តល់ជូនកន្លែង​សិក្សាពីសាកល​វិទ្យា​ល័យ​ល្បីៗ​ប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីការខិតខំប្រឹងប្រែងអស់រយៈពេលជាច្រើនឆ្នាំ មហិច្ឆ​តា ការតស៊ូព្យាយាម ឧត្តមភាពសិក្សា និងភាពក្លាហានក្នុងការស្រមៃឆ្ពោះទៅរកអនាគត​ដ៏ធំធេង​ឥតព្រំដែន។

នេះជាការបង្កើតប្រវត្តិសាស្ត្រថ្មី និងឆ្នាំសិក្សាដែលទទួលបានជោគជ័យខ្ពស់បំផុត​មិនធ្លាប់​មានរបស់សាលា AISPP ក្នុងការនាំសិស្សឆ្ពោះទៅកាន់សាកលវិទ្យាល័យឈាន​មុខលំដាប់​ពិភពលោកនៅអូស្ត្រាលី និងអង់គ្លេស។

នេះគឺជាពេលវេលាប្រវត្តិសាស្ត្រដ៏ពោរពេញដោយមោទនភាព និងភាពរីករាយសម្រាប់​សាលា​អន្តរជាតិអូស្ត្រាលីភ្នំពេញ។ ក្នុងឱកាសអបអរសាទរខួប៩ឆ្នាំ​នៃឧត្តមភាពអប់រំតាម​កម្ម​វិធីបាក់ឌុបអន្តរជាតិ (IB) សាលា AISPP កំពុងឈានទៅសម្រេចបានសមិទ្ធផលថ្មីៗ​ដ៏ត្រចះ​ត្រចង់ ដោយកត់ត្រានូវឆ្នាំសិក្សាដែលទទួលបានជោគជ័យខ្ពស់​បំផុតក្នុងប្រវត្តិ​សាស្ត្រសាលា។

សិក្សានៅ AISPP គឺផ្តល់នូវភាពជឿជាក់ជាមួយឧត្តមភាពនៃការអប់រំពិតប្រាកដ។ ឧត្តម​ភាពនៃការអប់រំ មិនត្រូវបានវាស់វែងត្រឹមតែលទ្ធផលសិក្សាប៉ុណ្ណោះទេ ប៉ុន្តែថែមទាំង​ត្រូវ​បានវាស់វែងតាមរយៈឱកាសដែលយើងបង្កើត និងអនាគតដែលជួយកសាង​សម្រាប់​សិស្សានុសិស្ស។

ក្នុងនាមជាសាលាតែមួយគត់នៅកម្ពុជា ដែលផ្តល់ជូនកម្មវិធីសិក្សាបាក់ឌុបអន្តរជាតិ (IB) ទាំង ៤ កម្មវិធី AISPP ផ្តល់នូវប្រព័ន្ធអប់រំដ៏ពេញលេញ និងមានការទទួលស្គាល់​ជាអន្តរ​ជាតិ ដើម្បីអភិវឌ្ឍសិស្សានុសិស្សឱ្យក្លាយជាពលរដ្ឋសកលដែលមានចំណេះដឹង សមត្ថភាព ទំនុកចិត្ត និងការត្រៀមខ្លួនរួចជាស្រេចសម្រាប់អនាគត។

នៅពីក្រោយភាពជោគជ័យរបស់សិស្សម្នាក់ៗ គឺមានការចូលរួមដ៏មានតម្លៃពីលោកគ្រូ អ្នកគ្រូ​ដែលមានការលះបង់ ថ្នាក់ដឹកនាំដែលមានចក្ខុវិស័យ មាតាបិតាដែលតែងតែគាំទ្រ និង​សាលា​ដែលជឿជាក់លើសក្តានុពលគ្មានដែនកំណត់របស់សិស្សានុសិស្ស។

សាលា AISPP សូមថ្លែងអំណរគុណយ៉ាងជ្រាលជ្រៅដល់លោកគ្រូ អ្នកគ្រូ បុគ្គលិក ថ្នាក់​ដឹក​នាំ និងមាតាបិតាទាំងអស់ ដែលបានចូលរួមចំណែកធ្វើឱ្យសមិទ្ធផលដ៏អស្ចារ្យ​នេះក្លាយ​ជា​ការពិត។

ជាពិសេសសូមអបអរសាទរយ៉ាងកក់ក្តៅចំពោះសិស្សឆ្នើម Kaige Mao។ ភាពជោគជ័យ​របស់​គាត់គឺជាគំរូដ៏ល្អ និងជាប្រភពនៃការបំផុសគំនិតដ៏មានឥទ្ធិពលសម្រាប់សិស្សានុសិស្ស AISPP ទាំងអស់ ឱ្យមានភាពក្លាហានក្នុងការស្រមៃធំ និងខិតខំសម្រេចក្តីស្រមៃរបស់ខ្លួន។ សមិទ្ធផលដ៏អស្ចារ្យបំផុតជាច្រើនទៀត កំពុងរង់ចាំសិស្ស AISPP នៅថ្ងៃខាងមុខ។

ខួប៩ឆ្នាំនៃឧត្តមភាពអប់រំ! ឆ្នាំប្រវត្តិសាស្ត្រនៃសមិទ្ធផលដ៏ត្រចះត្រចង់! អនាគតដ៏ភ្លឺស្វាង​ឥតដែនកំណត់។ AISPP ទីកន្លែងដែលក្តីស្រមៃឆ្ពោះទៅកាន់ពិភពលោក ក្លាយជាសមិទ្ធ​ផល​ជោគជ័យលំដាប់សកល៕