(ស្វាយរៀង)៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ បានអញ្ជើញគោរពវិញ្ញាណក្ខន្ធសព អគ្គមហាឧបាសក ពុទ្ធសាសនូបត្ថម្ភក៍ កែវ ឆាន់ នៅខេត្តស្វាយរៀង នាព្រឹកថ្ងៃចន្ទ ទី២៦ ខែតុលា ឆ្នាំ២០២៦។ វត្តមានរបស់សម្តេចកិត្តិសង្គហបណ្ឌិត ក្នុងពិធីបុណ្យសពនេះ គឺដើម្បីចូលរួមរំលែកទុក្ខដ៏ក្រៀមក្រំជាមួយក្រុមគ្រួសារសព។

អគ្គមហាឧបាសក ពុទ្ធសាសនូបត្ថម្ភក៍ កែវ ឆាន់ បានទទួលមរណភាពកាលពីថ្ងៃសៅរ៍ ទី២៤ ខែតុលា ឆ្នាំ២០២៦ វេលាម៉ោង ០៦:៣៩ ព្រឹក ក្នុងជន្មាយុ ៨៣ឆ្នាំ ដោយជរាពាធ។ ការបាត់បង់លោក គឺជាការបាត់បង់នូវបុគ្គលដ៏ឆ្នើមមួយរូប ដែលបានលះបង់កម្លាំងកាយចិត្តក្នុងការទ្រទ្រង់ព្រះពុទ្ធសាសនា និងចូលរួមចំណែកក្នុងសង្គមជាតិ។

នៅក្នុងសមានទុក្ខដ៏សែនក្រៀមក្រំនេះ សម្តេចកិត្តិសង្គហបណ្ឌិត បានសម្តែងនូវក្តីសោកស្តាយអាឡោះអាល័យយ៉ាងខ្លាំង និងបានបួងសួងដល់ដួងវិញ្ញាណក្ខន្ធអគ្គមហាឧបាសក ពុទ្ធសាសនូបត្ថម្ភក៍ កែវ ឆាន់ សូមបានចាប់បដិសន្ធិក្នុងឋានសុគតិភពកុំបីឃ្លៀងឃ្លាតឡើយ។ នេះជាកាយវិការដ៏ថ្លៃថ្លាដែលបង្ហាញពីការគោរព និងការយកចិត្តទុកដាក់ចំពោះព្រឹទ្ធាចារ្យ និងពុទ្ធសាសនូបត្ថម្ភក៍ដ៏សំខាន់រូបនេះ៕