(កណ្តាយ)៖ នារសៀលថ្ងៃទី២៣ ខែតុលា ឆ្នាំ២០២៦ នៅសាលាអនុគណក្រុងអរិយក្សត្រ ព្រះឃោសធម្មបណ្ឌិត លន់ សុគន្ធា ព្រះអនុគណក្រុងអរិយក្សត្រ បានដឹកនាំសហការីមន្ត្រីសង្ឃ និងព្រះគ្រូចៅអធិការទាំង២៧វត្ត ក្នុងក្រុងអរិយក្សត្រ ប្រារព្ធពិធីប្រគល់អំណោយជាគ្រឿងឧបភោគបរិភោគ និងថវិកា ជូនដល់រដ្ឋបាលសាលាក្រុងអរិយក្សត្រ។ ពិធីនេះបានទទួលវត្តមានលោក ចាន់ តារា អភិបាលនៃគណៈអភិបាលក្រុងអរិយក្សត្រ ដើម្បីទទួលយកអំណោយទាំងនេះសម្រាប់ចាត់ចែងតាមតម្រូវការរបស់រដ្ឋបាលក្រុង។

អំណោយដែលបានផ្តល់ជូនរដ្ឋបាលក្រុងអរិយក្សត្ររួមមាន អង្ករចំនួន ២៧បេ ស្មើនឹង ១.៣៥០គីឡូក្រាម, បន្លុង ២៧បន្លុង, មី ៥៤កេស, ត្រីខ ២៧យួរ, ភេសជ្ជៈ ៥៤កេស, ទឹកបរិសុទ្ធ ៥៤កេស, ទឹកត្រី ៥៤យួរ, ទឹកស៊ីអ៊ីវ ៥៤យួរ, ទឹកដោះគោខាប់ ១០៨កំប៉ុង, តែ ១០៨កញ្ចប់, ប៊ីចេង ២៧គីឡូក្រាម, ស្ករស ៨១គីឡូក្រាម, អំបិល ៥៤គីឡូក្រាម រួមជាមួយបច្ច័យជាថវិកាចំនួន ៥.៧៥០.០០០រៀល។

កាយវិការដ៏ប្រពៃនេះបង្ហាញពីសាមគ្គីភាព និងការយកចិត្តទុកដាក់របស់ព្រះសង្ឃចំពោះសង្គមជាតិ ក្នុងការចូលរួមចំណែកគាំទ្រដល់កិច្ចការរដ្ឋបាលសាធារណៈ និងជួយសម្រាលបន្ទុកដល់ប្រជាពលរដ្ឋក្នុងតំបន់៕