(កណ្តាល)៖ នៅថ្ងៃទី២២ ខែតុលា ឆ្នាំ២០២៦ នៅស្នាក់ការគណបក្សស្រុកល្វាឯម មានរៀបចំកិច្ចប្រជុំ និងដំណើរការរាប់សន្លឹកឆ្នោតស្ទាបស្ទង់មតិ បេក្ខជនឈរឈ្មោះបោះឆ្នោតជ្រើសរើសក្រុមប្រឹក្សាឃុំទាំង១០ ក្នុងស្រុកល្វាឯម អាណត្តិទី៦ ឆ្នាំ២០២៧ ក្រោមអធិបតីភាពលោក ជាប ដាវុធ អនុប្រធានក្រុមការងារគណបក្សចុះមូលដ្ឋានក្រុងអរិយក្សត្រ និងស្រុកល្វាឯម តំណាងរបស់លោក គង់ វិបុល អនុប្រធានអចិន្ត្រៃយ៍ក្រុមការងារគណបក្ស ចុះមូលដ្ឋានក្រុងអរិយក្សត្រ និងស្រុកល្វាឯម ដែលមានអញ្ជើញចូលរួមពីក្រុមការងារគណបក្សចុះមូលដ្ឋានឃុំទាំង១០ និងគណៈអចិន្ត្រៃយ៍គណបក្សស្រុក។

លោក ជាប ដាវុធ ប្រធានអង្គប្រជុំបានជម្រាប ជូនពីគោលបំណងនៃកិច្ចប្រជុំនាពេលនេះ គឺប្រជុំដើម្បីរាប់សន្លឹកឆ្នោតស្ទាបស្ទង់មតិ ដែលបានបោះឆ្នោតចប់សព្វគ្រប់ កាលពីថ្ងៃទី១៨ ខែតុលា កន្លងមកនេះ។

ការបោះឆ្នោតស្ទាបស្ទង់នេះ គឺជាផ្នែកមួយដ៏សំខាន់នៃដំណើរការប្រជាធិបតេយ្យផ្ទៃក្នុងគណបក្ស ដើម្បីធានាថា បេក្ខជនដែលត្រូវបានជ្រើសរើសពិតជាទទួលបានការគាំទ្រ និងមានលទ្ធភាពដឹកនាំអភិវឌ្ឍឃុំឲ្យកាន់តែរីកចម្រើន។ សារៈសំខាន់នៃការបោះឆ្នោតប្រកបដោយតម្លាភាព និងយុត្តិធម៌ ដើម្បីរួមចំណែកដល់ការកសាងសង្គមជាតិមួយ ដែលប្រជាពលរដ្ឋគ្រប់រូបរស់នៅដោយសុខដុមរមនា និងមានការអភិវឌ្ឍន៍ប្រកបដោយចីរភាព៕