(ភ្នំពេញ)៖ នៅរសៀលថ្ងៃទី១៦ ខែតុលា ឆ្នាំ២០២៦នេះ ឯកអគ្គរាជទូតថ្មីរបស់ជប៉ុនប្រចាំនៅកម្ពុជា លោក អ៊ីស៊ីហ៊្សុគិ ហ៊ីដេអុ បានអញ្ជើញចូលក្រាបបង្គំគាល់ ថ្វាយសារតាំងព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។

បន្ទាប់ពីថ្វាយសារតាំង លោក អ៊ីស៊ីហ៊្សុគិ ហ៊ីដេអុ នឹងចាប់ផ្តើមការងារជាឯកអគ្គរាជទូតរបស់លោក។ ការលើកកម្ពស់ទំនាក់ទំនង និងកិច្ចសហប្រតិបត្តិការរវាងកម្ពុជា និងជប៉ុន គឺជាបេសកកម្មដ៏ពិសេសរបស់លោក៕