(ភ្នំពេញ)៖ ក្រុមប្រឹក្សាគណៈអភិបាល ថ្នាក់ដឹកនាំ មន្ត្រីរាជការ កងកម្លាំង និងប្រជាពលរដ្ឋក្នុងខណ្ឌសែនសុខ បានសម្តែងការអបអរសាទរ ចំពោះលោក ឃួង ស្រេង អភិបាល នៃគណៈអភិបាលរាជធានីភ្នំពេញ ដែលបានទទួលពានរង្វាន់ប្រចាំឆ្នាំ២០២៦ របស់អង្គការសុខភាពពិភពលោក លើកិច្ចខិតខំប្រឹងប្រែងក្នុងការលើកកម្ពស់សុវត្ថិភាព ចរាចរណ៍តាមរយៈការអនុវត្តគម្រោង «ការដឹកជញ្ជូនមានសុវត្ថិភាព សកម្ម និងលើកកម្ពស់សុខភាព៖ ការជំរុញ សុខភាព និងការកាត់បន្ថយវិសមភាពក្នុងការធ្វើដំណើរក្នុងទីក្រុង (The 11th Global Conference of the Alliance for Healthy Cities and the 2026 WHO Healthy Cities Recognition Awards) »។

ពានរង្វាន់នេះមានទីក្រុង ជាង ១៥០ទីក្រុងមកពីតំបន់អាស៊ីប៉ាស៊ីហ្វិក បានដាក់ពាក្យដើម្បីទទួលបានការវាយតម្លៃ និងជ្រើសរើសប្រគល់ ពានរង្វាន់នេះ ហើយទីក្រុងដែលទទួលបានពានរង្វាន់នេះមានតែចំនួន ៨ ប៉ុណ្ណោះរួមទាំងរាជធានីភ្នំពេញ ។

ស្ថិតក្នុងឱកាសប្រកបដោយមោទកភាពយ៉ាងក្រៃលែងនេះ សបញ្ជាក់ឱ្យឃើញថា លោកអភិបាលរាជធានីភ្នំពេញ ពិតជាអ្នកដឹកនាំគំរូ ពោរពេញដោយសមត្ថភាព ទេព្យកោសល្យ មានភាពឈ្លាសវៃ ប៉ិនប្រសប់ លះបង់កម្លាំងកាយចិត្ត ប្រាជ្ញាស្មារតី ដោយមិនខ្លាចនឿយហត់ ដឹកនាំយ៉ាងសកម្មក្នុងការអភិវឌ្ឍរាជធានីភ្នំពេញឱ្យមានសោភ័ណភាព ផាសុកភាព មានសណ្តាប់ធ្នាប់របៀបរៀបរយល្អ និងរក្សាបាននូវសុវត្ថិភាពជូនប្រជាជន ។

ថ្នាក់ដឹកនាំ មន្ត្រីរាជការ កងកម្លាំង និងប្រជាពលរដ្ឋក្នុងខណ្ឌសែនសុខ សូមគោរពជូនពរ ឯកឧត្តមអភិបាល និងលោកជំទាវ ព្រមទាំងក្រុមគ្រួសារ ជាទីគោរពស្រឡាញ់ សូមបានសមប្រកបតែនឹងពុទ្ធពរទាំង ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕