(ភ្នំពេញ)៖ ក្រសួងអប់រំ យុវជន និងកីឡា បានបញ្ជាក់ឱ្យដឹងថា ដំណើរការសំណេរនៃការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២៦ នារសៀលនេះ បានចាប់ផ្តើមហើយ នៅវេលាម៉ោង ១៤៖០០នាទី។

- ថ្នាក់វិទ្យាសាស្ត្រសង្គម ចាប់ពីម៉ោង ១៤៖០០នាទី ដល់ម៉ោង ១៥៖៣០នាទី ប្រឡងមុខវិជ្ជា ភូមិវិទ្យា (៩០នាទី) និងចាប់ពីម៉ោង ១៦៖០០ ដល់ម៉ោង ១៧៖០០នាទី ប្រឡងមុខវិជ្ជា ភាសាបរទេស (៦០នាទី)។

- ថ្នាក់វិទ្យាសាស្ត្រ ចាប់ពីម៉ោង ១៤៖០០នាទី ដល់ម៉ោង ១៥៖៣០នាទី ប្រឡងមុខវិជ្ជា គីមីវិទ្យា (៦០នាទី) និង ចាប់ពីម៉ោង ១៦៖០០ ដល់ម៉ោង ១៧៖០០នាទី ប្រឡងមុខវិជ្ជា ភាសាបរទេស (៦០នាទី)។

សូមបញ្ជាក់ដែរថា ក្នុងឆ្នាំសិក្សា ២០២៥-២០២៦នេះ បេក្ខជនចុះឈ្មោះប្រឡងសរុប ១៥១,២៣៨នាក់ (ស្រី ៨៤,៧៣៥នាក់)។ បេក្ខជនថ្នាក់វិទ្យាសាស្រ្ត មានចំនួន ៣៧,៤៤៥ នាក់ ស្មើនឹង ២៤,៧៦% និងបេក្ខជនថ្នាក់វិទ្យាសាស្រ្តសង្គមមានចំនួន ១១៣,៧៩៣នាក់ ស្មើនឹង ៧៥,២៤%៕