(ភ្នំពេញ)៖ នៅព្រឹកថ្ងៃសៅរ៍ ទី១១ ខែកក្កដា ឆ្នាំ២០២៦នេះ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា អនុញ្ញាតឱ្យនាយឧត្តមសេនីយ៍ Tan Sri Dato' Seri Haji Malek Razak bin Sulaiman អគ្គមេបញ្ជាការកងទ័ពម៉ាឡេស៊ី ចូលជួបសម្ដែង​ការគួរ​សម នៅវិមានសាមគ្គីភាពនៃព្រឹទ្ធសភាកម្ពុជា។

សូមបញ្ជាក់ថា អគ្គមេបញ្ជាការកងទ័ពម៉ាឡេស៊ី បានអញ្ជើញមកបំពេញទស្សនកិច្ចនៅកម្ពុជា កាលពីថ្ងៃទី៨ ខែកក្កដា ឆ្នាំ២០២៦ តបតាមការអញ្ជើញរបស់នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ។ ដំណើរទស្សនកិច្ចនេះ ធ្វើឡើងដើម្បីរឹតចំណង​សាមគ្គីភាព និងកិច្ចសហប្រតិបត្តិការរវាងកងទ័ពកម្ពុជា និងម៉ាឡេស៊ី។

ក្នុងដំណើរទស្សនកិច្ចនេះ អគ្គមេបញ្ជាការកងទ័ពម៉ាឡេស៊ី បានអញ្ជើញទៅកាន់ព្រំដែនកម្ពុជា និងថៃ ទីដែលកងទ័ពថៃកំពុងធ្វើសកម្មភាពរំលោភបំពេញលើទឹកដី និងអធិបតេយ្យជាតិកម្ពុជា ដោយខុសច្បាប់៕