(ភ្នំពេញ)៖ ក្រោមការចង្អុលបង្ហាញពីលោក ឃួង ស្រេង អភិបាលរាជធានីភ្នំពេញ នៅថ្ងៃទី១៣ ខែមិថុនា ឆ្នាំ២០២៦នេះ
កម្លាំងគណៈបញ្ជាការឯកភាពរដ្ឋបាលខណ្ឌមានជ័យ ដឹកនាំដោយលោក សេង គន្ធ អភិបាលខណ្ឌមានជ័យ និងជាប្រធានគណៈបញ្ជាការឯកភាពរដ្ឋបាលខណ្ឌ និងលោក ងន ចាន់ធារៈ អនុប្រធានកបប រាជធានីភ្នំពេញ ដោយមានការសម្របសម្រួលពីលោក លី គឹមស៊ាន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចែកចាយទំនិញគ្រប់ប្រភេទ និងស្ដុកសាច់បង្កកក្នុងមូលដ្ឋានខណ្ឌមានជ័យ ចំនួន៥ទីតាំង។

*ទី១៖ ម្ចាស់ឃ្លាំងឈ្មោះ គ្រីត លីដា ភេទប្រុស ផ្ទះលេខ៨៧៩ ផ្លូវបេតុង ភូមិព្រែកទាល់ សង្កាត់ស្ទឹងមានជ័យទី២ ខណ្ឌមានជ័យ បានរកឃើញមានស្តុកត្រីសាម៉ុន មាន២ប្រភេទ។ ដោយម្ចាស់ទីតាំងខាងលើ បានបញ្ជាក់ថា ពុំបានដឹងពីប្រភពទំនិញ និងឯកសារបញ្ជាក់ពីប្រភពនាំចូលច្បាស់លាស់ទេ ដូច្នេះមន្រ្តី ក.ប.ប សម្រេចផ្អាកសកម្មភាពចែកចាយសិន ដោយប្រមូលត្រីសាម៉ុនទាំងអស់ទុកក្លាសេស្តុកក្នុងឃ្លាំងមិនឲ្យនាំចេញ រង់ចាំមានឯកសារបញ្ជាក់សិន។

*ទី២៖ ម្ចាស់ឃ្លាំងឈ្មោះ ទួន ងន់ ភេទប្រុស ផ្ទះលេខ២៣៦ ផ្លូវ១០MC ភូមិព្រែកទាល់ សង្កាត់ស្ទឹងមានជ័យទី២ ខណ្ឌមានជ័យ។ ក្រោយពីបានត្រួតពិនិត្យរួច ក្រុមការងារពុំបានរកឃើញនូវសាច់បង្កក ឬទំនិញនាំចូលពីប្រទេសថៃទេ ជាឃ្លាំងស្តុកទំនិញមកពីប្រទេសវៀតណាម។

*ទី៣៖ ម្ចាស់ឃ្លាំងឈ្មោះ ហួត ឈុនណារ័ត្ន ភេទស្រី ផ្ទះលេខ១០៨៧ ផ្លូវបេតុង ភូមិព្រែកទាល់១ សង្កាត់ស្ទឹងមានជ័យទី២ ខណ្ឌមានជ័យ។ ក្រោយពីបានត្រួតពិនិត្យរួច ក្រុមការងារពុំបានរកឃើញនូវសាច់បង្កក ឬទំនិញនាំចូលពីប្រទេសថៃទេ ជាឃ្លាំងស្តុកទំនិញ និងសាច់បង្កកនាំចូលមកពីប្រទេសអាលឺម៉ង់, ប្រទេសប្រស៊ីល, ប្រទេសចិន, ប្រទេសរុស្សី, និងប្រទេសអេស្ប៉ាញ។

*ទី៤៖ ម្ចាស់ឃ្លាំងឈ្មោះ សេង ចាន់ឌី ភេទស្រី ផ្ទះលេខ៥០១ ផ្លូវ៦MC ភូមិដំណាក់ធំ៤ សង្កាត់ស្ទឹងមានជ័យទី២ ខណ្ឌមានជ័យ។ ក្រោយពីបានត្រួតពិនិត្យរួច ក្រុមការងារពុំបានរកឃើញនូវសាច់បង្កក ឬទំនិញនាំចូលពីប្រទេសថៃទេ ជាឃ្លាំងស្តុកទំនិញ និងសាច់បង្កកនាំចូលមកពីប្រទេសវៀតណាម និងប្រទេសចិន។

*ទី៥៖ ម្ចាស់ឃ្លាំងឈ្មោះ រិន ធារ៉ុង ភេទប្រុស ផ្ទះលេខ១០២ ផ្លូវ៧៩BT ភូមិចំរើនផល សង្កាត់បឹងទំពន់ទី១ ខណ្ឌមានជ័យ។ ក្រោយពីបានត្រួតពិនិត្យទីតាំងខាងលើរួច ក្រុមការងារបានរកឃេីញឥវ៉ាន់មួយចំនួន មានប្រភពមកពីប្រទេសថៃ និងបានធ្វើការបិទឃ្លុំទីតាំងខាងលើជាបណ្តោះអាសន្ន ដែលសង្ស័យជាប់ពាក់ព័ន្ធរកឃើញមានទំនិញ ឬសាច់បង្កកនាំចូល ស្តុកទុក ចរាចរ និងចែកចាយសាច់បង្កកផលិតផលមានប្រភពមកពីប្រទេសថៃដោយខុសច្បាប់។

៤ទីតាំង ក្រោយពីបានត្រួតពិនិត្យរួច ក្រុមការងារពុំបានរកឃើញនូវសាច់បង្កក ឬទំនិញនាំចូលពីប្រទេសថៃទេ។ ក្នុងនោះមាន១ទីតាំង សង្ស័យជាប់ពាក់ព័ន្ធរកឃើញមានទំនិញ ឬសាច់បង្កកនាំចូល ស្តុកទុក ចរាចរ និងចែកចាយសាច់បង្កកមានប្រភពមកពីប្រទេសថៃ របស់ឈ្មោះ រិន ធារ៉ុង និងសម្រេចនាំខ្លួនម្ចាស់ទីតាំងខាងលេី ទៅស្នងការដ្ឋាននគរបាលរាជធានីភ្នំពេញ ដេីម្បីសាកសួរតាមនិតិវិធីបន្តនិងបានបិទឃ្លុំ (បិទសៀល) ទីតាំងឃ្លាំងខាងលេីបណ្តោះអាសន្ន៕