(ព្រះសីហនុ)៖ កម្លាំងអាវុធហត្ថខេត្តព្រះសីហនុ បានបើកប្រតិបត្តិការចុះទៅបង្ក្រាបករណីបង្ខាំងមនុស្សខុសច្បាប់ និងបានរកឃើញមានបទល្មើស Scam Online នៅកាស៊ីណូ ហ្គាន់ដាវ នៅក្រុងព្រះសីហនុ នៅល្ងាចថ្ងៃទី៥ ខែមេសា ឆ្នាំ២០២៦នេះ។

សេចក្តីរាយការណ៍ពីភ្នាក់ងារព័ត៌មាន Fresh News បានឲ្យដឹងថា ក្រោយទទួលបានព័ត៌មានស្តីពីការបង្ខាំងជនជាតិចិន ដោយការធ្វើទារុណកម្មនៅបន្ទប់ជាន់ទី១៦ នៃកាស៊ីណូ ហ្គាន់ដាវ ក្រុងព្រះសីហនុ រួចមក, កម្លាំងអាវុធហត្ថខេត្ត ក្រោមការបញ្ជារបស់លោកឧត្តមសេនីយ៍ត្រី ហេង ប៊ុនទី មេបញ្ជាការអាវុធហត្ថខេត្ត ក្រោមការសម្របសម្រួលពីតំណាងអយ្យការ បានចុះទៅស្រាវជ្រាវភ្លាមៗ ហើយឈានដល់ការបង្ក្រាបបទល្មើសជាក់ស្តែងតែម្តង ដោយខឃាត់ខ្លួនក្រុមជនល្មើសមួយចំនួន។

តាមសេចក្តីរាយការណ៍ដដែល, ពេលប្រតិបត្តិការបង្ក្រាបបទល្មើសបង្ខាំងធ្វើទារុណកម្មជនរងគ្រោះខាងលើនេះ កម្លាំងអាវុធហត្ថបានរកឃើញមានបទល្មើស Scam Online ដែលក្រុមជនល្មើសបានប្រព្រឹត្តនៅក្នុងកាស៊ីណូនេះផងដែរ ហើយនៅពេលនេះកម្លាំងអាវុធហត្ថកំពុងប្រតិបត្តិការបង្ក្រាប ដោយឃាត់ខ្លួនក្រុមជនល្មើសជាច្រើននាក់។

សម្រាប់ព័ត៌មានលម្អិត Fresh News នឹងបន្តផ្សព្វផ្សាយទៀត។