(ភ្នំពេញ)៖ ជុំវិញករណីជម្លោះម្ចាស់ភាគហ៊ុន សាលាបញ្ញាសាស្ត្រអន្តរសាខាទី៥ (សាខាចំការដូង) នាថ្ងៃទី១៣ ខែមីនា ឆ្នាំ២០២៦ លោក លោក សេង ឧត្តម ប្រធានក្រុមប្រឹក្សាភិបាលនៃសាលាបញ្ញាសាស្ត្រអន្តរសាខាទី៥ ចម្ការដូង រួមនឹងម្ចាស់ភាគហ៊ុនជាង៣០រូបទៀត បានរៀបចំសន្និសីទសារព័ត៌មាន បកស្រាយទាក់ទងនឹងជម្លោះនេះ ក៏ដូចជាច្រានការចោទប្រកាន់របស់លោកស្រី កុល ចិន្តា នាយិកា និងលោក ហ៊ីម ហុកលេង សមាជិកក្រុមប្រឹក្សាភិបាល មកលើពួកគាត់។

ក្នុងសន្និសីទនេះ លោក លោក សេង ឧត្តម បានអះអាង លោកនឹងម្ចាស់ភាគហ៊ុនជាង៣០នាក់ ដែលកាន់កាប់ភាគហ៊ុនរហូតជាង ៩០ភាគហ៊ុន គឺជាជនរងគ្រោះពិតប្រាកដ ខណៈពួកគាត់បានរួមគ្នា បណ្តាក់ទុនជាងខ្ទង់ពាន់ម៉ឺនដុល្លារ ដើម្បីទិញសិទ្ធិបើកសាលាបញ្ញាសាស្ត្រអន្តរសាខាទី៥ (សាខាចំការដូង) ស្ថិតនៅសង្កាត់ចោមចៅទី១ ខណ្ឌពោធិ៍សែន រាជធានីភ្នំពេញ តាំងពីឆ្នាំ២០១៩ ប៉ុន្តែមិនដែលទទួលបានភាគលាភ ហើយថែមទាំងទទួលបានការប្តឹងពីលោកស្រី កុល ចិន្តា នាយិកាសាលា និងលោក ហ៊ីម ហុកលេង សមាជិកក្រុមប្រឹក្សាភិបាលសាលាថែមទៀត។ ជុំវិញករណីនេះ លោក និងម្ចាស់ភាគហ៊ុនដទៃទៀត ស្នើសុំយុត្តិធម៌ពីភាគីពាក់ព័ន្ធផងដែរ។

សូមស្តាប់ការបំភ្លឺជូនសារធារណជនពី លោក លោក សេង ឧត្តម ម្ចាស់ភាគហ៊ុនផ្សេងទៀត និងតំណាងមេធាវីដូចតទៅ៖