(បាងកក)៖ វិទ្យាស្ថានជាតិរដ្ឋបាលអភិវឌ្ឍន៍ (NIDA) បានចេញផ្សាយលទ្ធផលស្ទង់មតិថ្មីមួយ ដោយព្យាករណ៍ថាគណបក្ស Bhumjaithai នឹងទទួលបានអាសនៈច្រើនជាងគេនៅក្នុងការបោះឆ្នោតសកលឆ្នាំ២០២៦ ខាងមុខនេះ។ នេះបើតាមការចុះផ្សាយរបស់សារព័ត៌មាន Khaosod English។

យោងតាមការព្យាករណ៍សម្រាប់អាសនៈសភាតំណាងរាស្ត្រ លទ្ធផលមានដូចខាងក្រោម៖
គណបក្ស Bhumjaithai នាំមុខគេដោយរំពឹងថានឹងទទួលបានចន្លោះពី ១៤០ ទៅ ១៥០ អាសនៈ។

ចំណែកឯ​ គណបក្សប្រជាជន (People’s Party) ជាប់លេខពីរ ដោយរំពឹងទទួលបាន ១២៥ ទៅ ១៣៥ អាសនៈ។ តាមបន្ទាប់​គណបក្សភឿថៃ (Pheu Thai Party) ស្ថិតនៅលេខបី ជាមួយ ១១០ ទៅ ១២០ អាសនៈ។​ គណបក្សប្រជាធិបតេយ្យ (Democrat Party) និង គណបក្សក្លាថាម (Kla Tham Party) រំពឹងទទួលបានចន្លោះពី ៣៥ ទៅ ៤៥ អាសនៈដូចគ្នា៕