(ឧត្តរមានជ័យ)៖ លោក ឈន​ លឹមហុង​, Mr. Ratanaak Roth Oeurn Kent និងលោក​ Dr. Rajiv Raj Jagasia ជា​ម្ចាស់ជំនួយ​ (Founder of Diplomacy For Good Foundation) នាព្រឹកថ្ងៃទី២១​ ខែមីនា​ ឆ្នាំ២០២៦​នេះ បាននាំយកអំណោយរួមមាន៖​ អង្ករចំនួន ២តោន មីជាតិចំនួន ៤០កេស ទឹកសុទ្ធ៣០០យួរ ទឹកត្រី ៤០យួរ ព្រមទាំងសម្ភារៈគ្រឿងឧបភោគបរិភោគ និងថវិកាមួយចំនួនប្រគល់ជូនដល់វីរកងទ័ព និងវីរនគរជួរមុខ ដែលកំពុងឈរជើងការពារទឹកដីនៅទិសប្រាសាទតាក្របី ប្រាសាទតាមាន់​ ខេត្តឧត្តរមានជ័យ។

ពិធីនេះមានការអញ្ជេីញចូលរួមដោយលោក​ ប៊ុត​ វ៉ាន់ដេត​ អភិបាលរងក្រុង​សំរោង តំណាងលោកអភិបាលក្រុង​ ព្រមទាំងមន្រ្តីតំណាងមន្ទីរអប់រំយុវជន​ កីឡាខេត្តឧត្តរមានជ័យ​ជាដើម។ ទីតាំងប្រគល់ទទួល​ នៅសួនច្បារវិមានឯករាជ្យខេត្តឧត្តរមានជ័យ។

ការនាំអំណោយនេះរបស់លោក ឈន​ លឹមហុង​ និងជនជាតិបរទេស ដើម្បីលើកទឹកចិត្ត និងការគោរពនូវគំរូវីរភាពរបស់វីរកងទ័ព និងវីរនគរបាលកម្ពុជា ដ៏អង់អាចក្លាហាន ហ៊ានបូជាជីវិតការពារទឹកដីពីការឈ្លានពានរបស់យោធាថៃ មកលើដែនអធិបតេយ្យភាព និងបូរណភាពទឹកកម្ពុជា។ សកម្មភាពនេះបានបង្ហាញនូវទឹកចិត្តដ៏ធំធេង ការគោរពស្រឡាញ់ ផ្តល់កម្លាំងចិត្តដល់វីរភាពកងទ័ពការពារជាតិ និងជាគាំទ្រវីរកងទ័ពជួរមុខកម្ពុជាដ៏អង់អាចក្លាហាន ក្នុងន័យបង្ហាញពីខឿនការពារជាតិដ៏រឹងមាំផងដែរ៕