(ភ្នំពេញ)៖ លោក ហេង រតនា ប្រតិភូរាជរដ្ឋាភិបាល ទទួលបានបន្ទុក ជាអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (CMAC-ស៉ីម៉ាក់) នៅថ្ងៃទី១២ ខែមករា ឆ្នាំ២០២៦នេះ បានបង្ហោះសកម្មភាពនៃមន្ត្រីជំនាញរបស់អង្គភាពស៉ីម៉ាក់ ចាប់ផ្តើមបោសសម្អាតគ្រាប់បែក នៅលើប្រាសាទព្រះវិហារ។

ជាមួយនឹងរូបភាពបង្ហាញពីគ្រាប់បែកជាច្រើន លោក ហេង រតនា បានសរសេរសារដូច្នេះថា «ប្រាសាទព្រះវិហារ​ ជាសម្បត្តិមនុស្សជាតិ​លើពិភពលោកនេះ​ និងជាទីតាំងមានស័ក្តិសិទ្ធិភាព​ ត្រូវបានរងការទម្លាក់គ្រាប់បែក​ និងបាញ់ផ្លោង​កម្ទេច​ បំផ្លិចបំផ្លាញដ៏មហាឃោរឃៅព្រៃផ្សៃ​ ដោយសារការឈ្លានពានបូរណភាពទឹកកម្ពុជាទាំងកំរោលរបស់សៀម។ អ្នកបំផ្លិចបំផ្លាញត្រូវតែមានការទទួលខុសត្រូវ»៕