(កែប)៖ រូបសំណាក «សិលាចាំប្ដី» នៅមាត់ឆ្នេរសមុទ្រកែប ត្រូវបានរដ្ឋបាលខេត្ត ជួសជុលកែលម្អ និងលាបពណ៌ថ្មីឡើងវិញ បន្ទាប់ពីមានសំណើរបស់លោក ឆាយ សុផល អនុរដ្ឋលេខាធិការក្រសួងព័ត៌មាន។

លោក ឆាយ សុផល នៅថ្ងៃទី២៨ ខែកុម្ភៈ ឆ្នាំ២០២២នេះ បានបញ្ជាក់នៅលើ Facebook បែបនេះថា «ខ្លួននាងត្រូវបានជួសជុល និងលាបពណ៌ឡើងវិញហើយ ហើយស្បៃរបស់នាងក៏កំពុងកាត់ថ្មីដែរ! មើលទឹកមុខនាង ហាក់ដូចជាស្រស់ស្រាយជាងមុន។ ពិតជាបំពេញការងារបានលឿនមែន សូមអរគុណរដ្ឋបាលខេត្តកែប»។

គួរជម្រាបថា កាលពីសប្ដាហ៍កន្លងទៅនេះ លោក ឆាយ សុផល បានស្នើដល់រដ្ឋបាលខេត្តកែប និងស្ថាប័នពាក់ព័ន្ធ ជួយពិនិត្យ និងជួសជុលឡើងវិញ នូវរូបសំណាក «សិលាចាំប្ដី» ដែលរងការខូចខាតហើយមិនមានអ្នកណាអើរពើរ។

លោក ឆាយ សុផល ដែលបានទៅផ្ដិតយករូបភាពនេះផ្ទាល់ពីធ្វើដំណើរទៅដល់ឆ្នេរកែប បានអះអាងថា ទីកន្លែងរូបសំណាក «សិលាចាំប្ដី» នេះ គឺតែងតែមានភ្ញៀវទេសចរទស្សនា និងបានក្លាយជាទីសក្ការរបស់ពួកគាត់សម្រាប់អុជធូបផងដែរ៕