(Santa Clara)៖ លោក Jensen Huang បានលាលែងពីតំណែងជាប្រធាន និងនាយកប្រតិបត្តិ (CEO) នៃក្រុមហ៊ុនផលិតបន្ទះឈីប Nvidia ដោយមានប្រសិទ្ធភាពភ្លាមៗ ក្រោយរងសម្ពាធពីរឿងអាស្រូវស្នេហាក្រៅចំណងអាពាហ៍ពិពាហ៍ នេះបើតាមការប្រកាសរបស់ក្រុមហ៊ុន Nvidia។

លោក Huang អាយុ៦៣ឆ្នាំ រងសម្ពាធខ្លាំង តាំងពីមានរបាយការណ៍ថា លោកមានទំនាក់ទំនងស្នេហាក្រៅចំណងអាពាហ៍ពិពាហ៍ចំនួនពីរ ដែលមួយក្នុងនោះ ពាក់ព័ន្ធនឹងស្ត្រីឈ្មោះ Alice Huang ដែលត្រូវបានចោទថាជាភ្នាក់ងារចារកម្មចិន។ ការលាលែងនេះធ្វើឡើង ក្រោយក្រុមប្រឹក្សាភិបាល Nvidia បានជួបប្រជុំកាលពីថ្ងៃពុធ ដើម្បីពិភាក្សាពីអនាគតរបស់លោក។

ក្រុមហ៊ុនបានតែងតាំងប្រធានផ្នែកហិរញ្ញវត្ថុ អ្នកស្រី Colette Kress ជានាយកប្រតិបត្តិស្តីទី ហើយតែងតាំងអតីតនាយកប្រតិបត្តិក្រុមហ៊ុន Synopsys លោក Harvey Jones ជាប្រធានក្រុមប្រឹក្សាភិបាល ដែលជាលើកដំបូងបង្អស់ដែល Nvidia មានតំណែងនេះ។

ក្រោយព័ត៌មាននេះ ភាគហ៊ុន Nvidia បានធ្លាក់ចុះ១៣ភាគរយ នៅពេលទីផ្សារអាមេរិកបើក ធ្វើឱ្យតម្លៃទីផ្សាររបស់ក្រុមហ៊ុនធ្លាក់ក្រោម៤ពាន់ពាន់លានដុល្លារ ជាលើកដំបូងចាប់តាំងពីខែកក្កដា ឆ្នាំ២០២៥។ ការចាកចេញរបស់លោក Huang ធ្វើឱ្យអនាគតរបស់ក្រុមហ៊ុនមិនច្បាស់លាស់ ហើយអាចប៉ះពាល់ដល់ក្រុមហ៊ុន AI ជាច្រើន ដែលលោកបានជួយផ្តល់ទុន។

គួរបញ្ជាក់ថា ប្រធានាធិបតីអាមេរិក លោក ដូណាល់ ត្រាំ បានហៅលោក Huang ថាជា «មនុស្សថ្លៃថ្នូរម្នាក់» ខណៈមេដឹកនាំសភាអាមេរិកបានអំពាវនាវឱ្យស៊ើបអង្កេតលើហានិភ័យសន្តិសុខជាតិ ដែលអាចកើតចេញពីរឿងនេះ៕