បទវិភាគ៖ ដំណោះស្រាយសម្រាប់ការគ្រប់គ្រងបក្សដែលមានអាយុកាលមួយសតវត្សរ៍ ផ្តល់ការបំផុសគំនិតដ៏ជ្រាលជ្រៅដល់ពិភពលោក
01-11-2026 16:37
(ប៉េកាំង)៖ កិច្ចប្រជុំពេញអង្គលើកទី ៥ នៃគណៈកម្មាធិការមជ្ឈិមបក្សកុម្មុយនីស្តចិនអាណត្តិទី ២០ ដែលបានប្រព្រឹត្តទៅពីថ្ងៃទី ២៦ ដល់ថ្ងៃទី ២៩ ខែតុលា បានអនុម័ត «សេចក្តីសម្រេចចិត្តរបស់គណៈកម្មាធិការមជ្ឈិមបក្សកុម្មុយនីស្តចិន អំពីបញ្ហាសំខាន់មួយចំនួនស្តីពីការប្រកាន់ខ្ជាប់ការបន្តជំរុញ ការគ្រប់គ្រងបក្សដោយតឹងរ៉ឹងគ្រប់ជ្រុងជ្រោយ» ដោយបានធ្វើការរៀបចំចាត់ចែងជាយុទ្ធសាស្ត្រចំពោះការងារប្រកាន់ខ្ជាប់ការបន្តជំរុញការគ្រប់គ្រងបក្ស ដោយតឹងរ៉ឹងគ្រប់ជ្រុងជ្រោយ ។ សេចក្តីសម្រេចចិត្តនេះបានផ្តល់ជាបង្អួចដ៏សំខាន់មួយសម្រាប់ឱ្យពិភពលោកឈ្វេងយល់ពី “អភិបាលកិច្ចរបស់បក្សកុម្មុយនីស្តចិន” និង “អភិបាលកិច្ចរបស់ចិន ” ។ ឧត្តមភាពខាងប្រព័ន្ធរបប ជាឧត្តមភាពដ៏ធំបំផុតរបស់បក្សនិងរដ្ឋ ។ ការប្រកាន់ខ្ជាន់ការគ្រប់គ្រងបក្សតាមប្រព័ន្ធរបប និងគ្រប់គ្រងបក្សតាមច្បាប់ និងបទប្បញ្ញត្តិ គឺជាលេខសម្ងាត់ទទួលបានជោគជ័យមួយរបស់បក្សកុម្មុយនីស្តចិនក្នុងការប្រកាន់ខ្ជាប់ការបន្តជំរុញការគ្រប់គ្រងបក្សដោយតឹងរ៉ឹងគ្រប់ជ្រុងជ្រោយ ហើយក៏បានផ្តល់គំរូខាងប្រព័ន្ធរបបដល់គណបក្សនៅលើពិភពលោកដើម្បីដោះស្រាយបញ្ហាលំបាកក្នុង“អភិបាលកិច្ចដែលបាត់បង់របៀបរៀបរយ” ។
កិច្ចប្រជុំពេញអង្គលើកនេះបានលើកឡើងថា “ការពង្រឹងការកសាងច្បាប់ និងប្រព័ន្ធរបស់គណបក្ស គឺជាគោលនយោបាយជាមូលដ្ឋានគ្រឹះ និងរយៈពេលវែងសម្រាប់ការគ្រប់គ្រងបក្សដោយតឹងរ៉ឹងគ្រប់ជ្រុងជ្រោយ ” ដែលបានញ៉ាំងឱ្យសហគមន៍អន្តរជាតិចាប់អារម្មណ៍យ៉ាងទូលំទូលាយ ។ ខណៈពេលអានសេចក្តីសម្រេចចិត្តរបស់កិច្ចប្រជុំពេញអង្គលើកនេះ បញ្ញវន្តនៃប្រទេសអាមេរិកបានឈ្វេងយល់ពីតក្កវិជ្ជាខាងប្រព័ន្ធរបបស្តីពីការធានាសាមគ្គីភាពនៅផ្ទៃក្នុងបក្សតាមរយៈវិន័យយ៉ាងតឹងរ៉ឹង ។ គណបក្សមួយចំនួនតែងតែធ្លាក់ចូលក្នុងភាពធូររលុងនិងរៀបចំមិនម៉ត់ចត់ ដោយសារតែជាប់តក្កវិជ្ជាផ្តោតលើតែលទ្ធផលការបោះឆ្នោតក្នុងរយៈពេលខ្លី ប៉ុន្តែការគ្រប់គ្រងបក្សតាមប្រព័ន្ធរបប បានផ្តល់គំរូគ្រប់គ្រងថ្មីមួយ ពោលគឺ ទប់ទល់នឹងភាពមិនប្រាកប្រជាដោយប្រើប្រាស់ភាពប្រាដប្រជា។
ការប្រយុទ្ធប្រឆាំងនឹងអំពើពុករលួយ ជាបញ្ហាលំបាកក្នុងអភិបាលកិច្ចដែលបណ្តាប្រទេសនានាប្រឈមមុខជាមួយគ្នា ។ កិច្ចប្រជុំពេញអង្គលើកនេះបានលើកឡើងថា ការជំរុញដោយរួមបញ្ចូលគ្នានូវអភិក្រម "មិនហ៊ានពុករលួយ មិនអាចពុករលួយ និងមិនចង់ពុករលួយ "គឺជាយុទ្ធសាស្ត្រសំខាន់មួយ សម្រាប់ការគ្រប់គ្រងបក្សដោយតឹងរ៉ឹងគ្រប់ជ្រុងជ្រោយ និងជាគោលការណ៍ជាមូលដ្ឋានក្នុងការប្រយុទ្ធប្រឆាំងនឹងអំពើពុករលួយ ត្រូវដើរតាមមាគ៌ា ប្រឆាំងអំពើពុករលួយដែលមានលក្ខណៈពិសេសបែបផែនចិន ដើម្បីធ្វើការប្រយុទ្ធប្រឆាំងនឹងអំពើពុករលួយរហូតដល់ទីបញ្ចប់ ។ ប្រការនេះមិនត្រឹមតែធ្វើឱ្យពិភពលោកមើលឃើញពីសេចកី្តអង់អាចក្លាហាន និងសមត្ថភាពរបស់បក្សកុម្មុយនីស្តចិនក្នុងការប្រយុទ្ធប្រឆាំងនឹងអំពើពុករលួយប៉ុណ្ណោះ ប៉ុន្តែថែទាំងបានផ្តល់បទពិសោធដ៏មានតម្លៃដល់ពិភពលោកសម្រាប់ដោះស្រាយបញ្ហាលំបាកក្នុងការប្រយុទ្ធប្រឆាំងនឹងអំពើពុករលួយផងដែរ ។ គណបក្សនៃប្រទេសកាន់តែច្រើនឡើងៗបានប្រើប្រាស់ឧត្តមានុវត្តន៍មាគ៌ាប្រឆាំងអំពើពុករលួយដែលមានលក្ខណៈពិសេសបែបផែនចិន បទពិសោធអនុវត្តជាក់ស្តែងរបស់បក្សកុម្មុយនីស្តចិនក្នុងការគ្រប់គ្រងបក្សដោយតឹងរ៉ឹងគ្រប់ជ្រុងជ្រោយ បាននិងកំពុងក្លាយទៅជាផលិតផលសាធារណៈនៃអភិបាលកិច្ចសកលជាបន្តបន្ទាប់ ។
ក្រៅពីនេះ ការគ្រប់គ្រងបក្សដោយតឹងរ៉ឹងគ្រប់ជ្រុងជ្រោយ ធ្វើឱ្យបក្សកុម្មុយនីស្តចិនទទួលបានការគាំទ្រ និងការទទួលស្គាល់ពីប្រជាជនយ៉ាងទូលំទូលាយ ដែលបានផ្តល់ការធានាយ៉ាងរឹងមាំសម្រាប់ជំរុញការធ្វើទំនើបកម្មតាមបែបផែនចិន មិនត្រឹមតែបានបង្ហាញឱ្យឃើញនូវមូលដ្ឋានគ្រឹះដែលយកប្រជាជនជាស្នូល ក្នុងការគ្រប់គ្រងបក្សដោយតឹងរ៉ឹងគ្រប់ជ្រុងជ្រោយប៉ុណ្ណោះ ប៉ុន្តែថែមទាំងបានផ្តល់ការណែនាំជាគុណតម្លៃសម្រាប់ឱ្យគណបក្សនៅលើពិភពលោកបង្កើនកម្លាំងរស់រវើក និងកម្លាំងប្រយុទ្ធប្រឆាំងទៀតផង ។
បច្ចុប្បន្ននេះ ខណៈពេលគណបក្សនយោបាយលោកខាងលិចកើតមានបញ្ហាមួយចំនួន ដូចជាប្រព័ន្ធរបបមិនចេះបត់បែន ការធ្វេសប្រហែសនឹងការត្រួតពិនិត្យ និងការគ្រប់គ្រងគ្មានប្រសិទ្ធភាព ប៉ុន្តែការអនុវត្តជាក់ស្តែងដ៏ជោគជ័យរបស់បក្សកុម្មុយនីស្តចិនក្នុងការគ្រប់គ្រងបក្ស និងអភិបាលកិច្ចបក្ស បានបំបែកភាពជាប់គាំងផ្នែកផ្នត់គំនិតរបស់គណបក្ស ពោលគឺ គ្រប់គ្រងបក្សត្រាប់តាមរូបមន្តរបស់លោកខាងលិច ដែលបានផ្តល់ការបំផុសគំនិតដល់គណបក្សនៃបណ្តាប្រទេសនានា ជាពិសេសគឺប្រទេសសកលខាងត្បូង ដើម្បីស្វែងរកផ្លូវអភិបាលកិច្ចដែលសមស្របទៅតាមលក្ខខណ្ឌរបស់ប្រទេសខ្លួន ក៏ដូចជាជំរុញការរីកចម្រើននិងវឌ្ឍនភាពរបស់អរិយធម៌នយោបាយរបស់មនុស្សជាតិផងដែរ ដែលបានបំពេញបន្ថែមភាពប្រាកដប្រជាកាន់តែច្រើនដល់ការអភិវឌ្ឍសកល និងចារទំព័រប្រវត្តិសាស្ត្រចិនកាន់តែជ្រាលជ្រៅ ជូនដល់ការអភិវឌ្ឍអរិធម៌នយោបាយមនុស្សជាតិ៕
វិទ្យុមិត្តភាពកម្ពុជាចិន
