គំនិតផ្តួចផ្តើមអភិវឌ្ឍន៍សកល៖ ដំណោះស្រាយតាមបែបវេជ្ជសាស្ត្របុរាណចិនសម្រាប់ ព្យាបាលជាប្រព័ន្ធចំពោះជំងឺរ៉ាំរ៉ៃសកល
03-09-2026 17:44
(ប៉េកាំង)៖ «របាយការណ៍ពិនិត្យសុខភាព»ស្តីពីការអភិវឌ្ឍសកលដ៏គួរឱ្យព្រួយបារម្ភ ៖ ក្នុងចំណោមសូចនាករអភិវឌ្ឍន៍ ប្រកបដោយចីរភាពចំនួន ១៣៩ របស់អង្គការសហប្រជាជាតិ ទើបសម្រេចបានតែ ៣៦% ប៉ុណ្ណោះ។ មនុស្ស ២៣០០ លាននាក់លើពិភពលោកនៅតែរស់ក្នុងភាពអត់ឃ្លាន។ ហើយអត្រាកំណើនផលិតផលក្នុងស្រុកសរុបគិតជាមធ្យមក្នុងមនុស្សម្នាក់ៗនៃអង្គភាពសេដ្ឋកិច្ចដែលងាយរងគ្រោះបំផុតចំនួន ៧៥ គឺយឺតជាងប្រទេសអ្នកមាន។ ប្រការនេះមានន័យថា គម្លាតចំណូលរវាងប្រទេសអ្នកមាន និងប្រទេសក្រកំពុងត្រូវពង្រីក រហូតឈានដល់កម្រិតធ្ងន់ធ្ងរបំផុតក្នុងសតវត្សរ៍នេះ។
ពិភពលោកពិតជាឈឺហើយ! ប្រឈមមុខនឹងជំងឺនេះ លោកXi Jinping បានចេញ"វេជ្ជបញ្ជា "មួយនៅឯមហាសន្និបាតអង្គការសហប្រជាជាតិឆ្នាំ ២០២១ គឺគំនិតផ្តួចផ្តើមអភិវឌ្ឍន៍សកល។ "វេជ្ជបញ្ជា " នេះរួមមាន "ឱសថ" ចំនួនប្រាំមួយ៖ ការចាត់ទុកការអភិវឌ្ឍន៍ជាអាទិភាព , ការកម្តល់ទុកប្រជាជនជាមជ្ឈិម, ការផ្តល់ផលប្រយោជន៍ជាទូទៅនិងបរិយាប័ន្ន,ការអភិវឌ្ឍដែលជំរុញដោយនវានុវត្តន៍,ការរួមរស់ដោយសុខដុមរមនារវាងមនុស្សជាតិនិងធម្មជាតិនិងការអនុវត្តជាក់ស្តែង។ ក្នុងរយៈពេលប្រាំឆ្នាំកន្លងមកនេះ "វេជ្ជបញ្ជា" នេះ បានជំរុញឱ្យការអភិវឌ្ឍសកលវិវឌ្ឍរីកចម្រើនទៅមុខយ៉ាងពិតប្រាកដ។
“វេជ្ជបញ្ជវេជ្ជសាស្ត្របុរាណចិន"សង្កត់ធ្ងន់លើគោលការណ៍នៃ "Jun（ធាតុផ្សំចម្បង） Chen（ធាតុផ្សំជំនួយ） Zuo（ធាតុផ្សំបន្សាប） និងShi(ធាតុផ្សំជំរុញ)" ធាតុផ្សំចម្បងផ្តោតលើការព្យាបាលរោគសញ្ញាចម្បង និងជាស្នូលនៃវេជ្ជបញ្ជា។ ធាតុផ្សំជំនួយជួយបង្កើនប្រសិទ្ធភាពរបស់ធាតុផ្សំចម្បង។ ធាតុផ្សំបន្សាបគឺដើម្បីកាត់បន្ថយផលប៉ះពាល់អវិជ្ជមាន នៃឱសថនានានិងព្យាបាលរោគសញ្ញាដំណាលគ្នា។ ឯធាតុផ្សំជំរុញគឺធ្វើឱ្យឱសថនានាបន្ស៊ីគ្នា និងបង្កើនប្រសិទ្ធភាពឱសថ។ ធាតុផ្សំទាំងអស់មានទំនាក់ទំនងគ្នានិងជួយជំរុញគ្នាទៅវិញទៅមកដែលមិនអាចខ្វះមួយណាបានទេ។នេះគឺជាខ្លឹមសារស្នូលនៃវេជ្ជសាស្ត្រឱសថបុរាណចិន។
ការអនុវត្តគំនិតផ្តួចផ្តើមអភិវឌ្ឍន៍សកល ក៏ដូចជាការប្រើគោលការណ៍វេជ្ជសាស្ត្រឱសថបុរាណចិន បានបង្ហាញពីតក្កវិជ្ជានៃវិធីសាស្ត្របែបបូព៌ា។ «គ្រឿងផ្សំចម្បង» គឺ «ការចាត់ទុកការអភិវឌ្ឍជាអាទិភាព» ។លោក Xi Jinping បានលើកឡើងម្តងហើយម្តងទៀតថា «ការអភិវឌ្ឍគឺជាគន្លឹះសំខាន់ក្នុងការដោះស្រាយបញ្ហាទាំងអស់»។ លោកសម្គាល់ឃើញថា ក្នុងដំណាក់កាលដែលហានិភ័យកើតឡើងផ្ទួនៗ និងមានការខ្វែងគំនិតកាន់តែធ្ងន់ធ្ងរ ត្រូវចាត់ទុកការអភិវឌ្ឍជាស្នូលនៃរបៀបវារៈសកល ។
«ធាតុផ្សំជំនួយ» គឺ «ការកម្តល់ទុកប្រជាជនជាមជ្ឈិម»និង«ការផ្តល់ផលប្រយោជន៍ជាទូទៅនិងបរិយាប័ន្ន»។ការកម្តល់ទុកប្រជាជនជាមជ្ឈិម គឺដើម្បីធានាថា កំណើនសេដ្ឋកិច្ចអាចផ្តល់ផលប្រយោជន៍ជាក់ស្តែងដល់ប្រជាជនគ្រប់រូប ។ការផ្តល់ផលប្រយោជន៍ជាទូទៅនិងបរិយាប័ន្នធានានូវភាពយុត្តិធម៌នៃការអភិវឌ្ឍ យកចិត្តទុកដាក់ចំពោះតម្រូវការពិសេសរបស់ប្រទេសកំពុងអភិវឌ្ឍន៍ និងប្រឆាំងច្បាប់ព្រៃដែលអ្នកខ្លាំងជិះជាន់អ្នកទន់ខ្សោយ និងធានាថាគ្មានប្រទេសណាមួយត្រូវបោះបង់ចោលក្នុងដំណើរការអភិវឌ្ឍន៍ ។
«ធាតុផ្សំបន្សាប» គឺជា «ការអភិវឌ្ឍដែលជំរុញដោយការធ្វើនវានុវត្តន៍» និង «ការរួមរស់ដោយសុខដុមរមនារវាងមនុស្សជាតិនិងធម្មជាតិ» ។ ការអភិវឌ្ឍដែលជំរុញដោយការធ្វើនវានុវត្តន៍បានផ្លាស់ប្តូរទម្រង់អភិវឌ្ឍន៍ចាស់ដែលពឹងផ្អែកលើការប្រើប្រាស់ធនធាន និងកម្លាំងពលកម្មដែលមានថ្លៃដើមទាប និងកសាងប្រព័ន្ធអេកូឡូស៊ីនៃការធ្វើនវានុវត្តន៍និងបើកចំហដោយផ្អែកលើវិទ្យាសាស្ត្រ និងបច្ចេកវិទ្យា ដើម្បីដាក់បញ្ចូលកម្លាំងចលករថ្មីសម្រាប់ការអភិវឌ្ឍសកល។ «ការរួមរស់ដោយសុខដុមរមនារវាងមនុស្សជាតិនិងធម្មជាតិ» គឺផ្តួចផ្តើមឱ្យអភិវឌ្ឍដោយធ្វើបរិវត្តកម្មបៃតងនិងកាបូនទាប ដើម្បីជៀសវាងការបំផ្លាញបរិស្ថានភពផែនដីដោយសារការអភិវឌ្ឍ។ «ធាតុផ្សំជំរុញ» គឺ«ការអនុវត្តសកម្មភាពជាក់ស្តែង» ។ ការសន្យាត្រូវក្លាយជាសកម្មភាពជាក់ស្តែង ដើម្បីធ្វើឱ្យគំនិតឯកភាពរួមក្លាយជាសមិទ្ធផលជាក់ស្តែង។
គិតរហូតមកដល់បច្ចុប្បន្ន គម្រោងសហប្រតិបត្តិការជាង ១៨០០ គម្រោង ក្រោមក្របខ័ណ្ឌគំនិតផ្តួចផ្តើមនេះត្រូវបានអនុវត្តជាក់ស្តែង ដែលបានបណ្តុះបណ្តាលធនធានមនុស្សជាង ២ សែននាក់ និងផ្តល់ផលប្រយោជន៍ជាក់ស្តែងដល់ប្រជាជននៃប្រទេសជាង ១២០។ គំនិតផ្តួចផ្តើមអភិវឌ្ឍន៍សកលបានផ្លាស់ប្តូរទម្លាប់អភិវឌ្ឍន៍ប្រពៃណីដែល«ឈឺត្រង់ណា ព្យាបាលតែត្រង់នោះ» និងបានបង្កើតរូបមន្តថ្មីនៃការអភិវឌ្ឍសកល។
ការអនុវត្តជាក់ស្តែងរយៈពេលប្រាំឆ្នាំបានបង្ហាញថា គំនិតផ្តួចផ្តើមអភិវឌ្ឍន៍សកលមានទិសដៅត្រឹមត្រូវ មានមធ្យោបាយល្អ និងមានប្រសិទ្ធភាពយ៉ាងប្រាកដប្រជា។ ដរាបណាប្រទេសទាំងអស់ពួតដៃគ្នាធ្វើកិច្ចខិតខំប្រឹងរួម ទើបអាចចែករំលែកគ្នានូវភាគលាភនៃការអភិវឌ្ឍសកល៕
