លោកស្រី Peng Liyuan អញ្ជើញចូលរួមសកម្មភាពគ្រួសាររបស់ថ្នាក់ដឹកនាំដែលចូលរួមកិច្ចប្រជុំកំពូលអង្គការសហប្រតិបត្តិការសៀងហៃ
02-09-2026 17:39
(ប៉េកាំង)៖ ព្រឹកថ្ងៃទី១ ខែកញ្ញ តាមម៉ោងក្នុងតំបន់ លោកស្រី Peng Liyuan ភរិយារបស់លោក Xi Jinping ប្រធានរដ្ឋចិនបានអញ្ជើញចូលរួមសកម្មភាពគ្រួសាររបស់ថ្នាក់ដឹកនាំ ដែលចូលរួមកិច្ចប្រជុំកំពូលអង្គការសហប្រតិបត្តិការសៀងហៃដែលរៀបចំដោយលោកស្រី Aigul Japarova ភរិយារបស់លោក Sadyr Japarov ប្រធានាធិបតីកៀហ្ស៊ីស៊ីស្ថាននៅក្រុង Bishkek ប្រទេសកៀហ្ស៊ីស៊ីស្ថាន។
លោកស្រី Peng Liyuan និងភរិយារបស់ថ្នាក់ដឹកនាំ នៃប្រទេសពាក់ព័ន្ធបានអញ្ជើញទស្សនាពិព័រណ៍វប្បធម៌ជនជាតិកៀហ្ស៊ីស៊ីស្ថាននិងថតរូបជាអនុស្សាវរីយ៍ បន្ទាប់មក បានទស្សនាការសម្តែងសិល្បៈនៅវិមាន Enesay។ លោកស្រី Peng Liyuan បានលើកឡើងថា ការសម្តែងល្អឥតខ្ចោះ ហើយអ្នកសម្តែងមានជំនាញខ្ពស់ ស្វាគមន៍សិល្បករមកពីប្រទេសកៀហ្ស៊ីស៊ីស្ថាន ទៅសម្តែងនិងផ្លាស់ប្តូរបទពិសោធនៅក្នុងប្រទេសចិនឱ្យបានញឹកញាប់ ដើម្បីឱ្យទស្សនិកជនចិនអាចទទួលបាន បទពិសោធផ្ទាល់ពីវប្បធម៌ជាតិដ៏សម្បូរបែបរបស់ប្រទេសកៀហ្ស៊ីស៊ីស្ថាន៕
វិទ្យុមិត្តភាពកម្ពុជាចិន
