(មូស្គូ)៖ រុស្ស៉ីបាន​ព្រមាន​ចក្រភព​អង់គ្លេស​ កាលពី​ថ្ងៃចន្ទ ទី១៧ ខែសីហា ​ថានឹង​ត្រូវជួបផលវិបាក បន្ទាប់ពី​មាន​សេចក្តីការណ៍​ថាយន្តហោះ​​ដ្រូន​ផលិត​នៅ​ចក្រភព​អង់គ្លេស​ ដែល​ផ្គត់ផ្គង់​ទៅ​អ៊ុយក្រែន​ ត្រូវ​បាន​ប្រើប្រាស់​ក្នុង​ការ​វាយប្រហារ​ចូលជ្រៅ​មកទឹកដី​រុស្ស៉ី។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP។

កាសែត Sunday Times បានរាយការណ៍ថា ដ្រូនផលិតដោយក្រុមហ៊ុនអង់គ្លេសចំនួន ២ ត្រូវបានអ៊ុយក្រែនប្រើប្រាស់ដើម្បីវាយប្រហារគោលដៅយោធា និងឧស្សាហកម្មនៅក្នុងទឹកដីរុស្ស៉ី។ ស្ថានទូតរុស្ស៉ីប្រចាំទីក្រុងឡុងដ៍ បានចោទប្រកាន់ចក្រភពអង់គ្លេសថា បានក្លាយជាទៅអ្នកសមគំនិត រួមចំណែកដល់ការវាយប្រហារ និងជ្រើសយកការបង្កើនជម្លោះដោយចេតនា។ សេចក្តីថ្លែងការណ៍របស់ស្ថានទូត គូសបញ្ជាក់ថា «ការចូលរួមកាន់តែជ្រៅក្នុងជម្លោះ និងការគាំទ្រកាន់តែខ្លាំងចំពោះយន្តការភេរវកម្មរបស់ទីក្រុងកៀវ នាំឱ្យផលវិបាកដែលអង់គ្លេសជួបប្រទះកាន់តែធ្ងន់ធ្ងរ»។

ភ្លាមៗស្ថានទូតចក្រភពអង់គ្លេស មិនទាន់ធ្វើអត្ថាធិប្បាយទេ ជុំវិញសេចក្តីថ្លែងការណ៍របស់រុស្ស៉ី៕