(Canberra, អូស្រ្តាលី)៖ នាយករដ្ឋមន្រ្តីជប៉ុន លោកស្រី Sanae Takaichi បាននិយាយនាថ្ងៃចន្ទ ទី៤ ខែឧសភា ឆ្នាំ២០២៦ ថាការរំខានដល់ការផ្គត់ផ្គង់ប្រេងជាសកល កំពុងជះផលប៉ះពាល់យ៉ាងខ្លាំង ក្នុងតំបន់អាស៉ីប៉ាស៉ីហ្វិក។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP។

នៅឯទីក្រុង Canberra បន្ទាប់ពីជួបនាយករដ្ឋមន្រ្តីអូស្រ្តាលី លោក Anthony Albanese លោកស្រី Takaichi បានប្រាប់ក្រុមអ្នកកាសែតថា «ការបិទច្រកសមុទ្រ Hormuz កំពុងជះឥទ្ធិពលខ្លាំងលើឥណ្ឌូប៉ាស៉ីហ្វិក។ ជប៉ុន និង​អូស្ត្រាលី​ នឹង​ទាក់ទង​គ្នា​យ៉ាង​ជិត​ស្និទ្ធ​ ក្នុង​ការ​ឆ្លើយ​តបជាបន្ទាន់»។

ប្រហែលមួយភាគប្រាំនៃការដឹកជញ្ជូនប្រេង ចូលមកទីផ្សារពិភពលោក ជាធម្មតាឆ្លងកាត់ច្រកសមុទ្រ Hormuz ដែលត្រូវបានអ៉ីរ៉ង់រឹតត្បិត ក្រោយរងការវាយប្រហាររបស់សហរដ្ឋអាមេរិក និងអ៉ីស្រាអែល។ តាមទីភ្នាក់ងារថាមពលអន្តរជាតិ (IEA) បានឱ្យដឹងថា ៨០ភាគរយនៃប្រេងនោះ គឺសម្រាប់គោលដៅអាស៉ី៕