(ប៉េកាំង)៖ យោងតាមទិន្នន័យដែលចេញផ្សាយដោយរដ្ឋបាលជាតិស្ថិតិចិននៅថ្ងៃទី ១៦ ខែមីនាបានបង្ហាញថា ពីខែមករាដល់ខែកុម្ភៈ ឆ្នាំនេះ កំណើននៃការផ្គត់ផ្គង់ផ្នែកផលិតកម្មបានពន្លឿនថែមទៀត តម្រូវការក្នុងទីផ្សារ បានកើនឡើងដោយនឹងនរ ឱកាសការងារនិងតម្លៃទំនិញបានរក្សាភាពនឹងនរជាទូទៅ កម្លាំងផលិតកម្មគុណភាពថ្មីទទួលបាន ការរីកចម្រើន សេដ្ឋកិច្ចបានដំណើរការដោយរឹងមាំ ដែលសម្រេចបាននូវការចាប់ផ្តើមដ៏ល្អប្រសើរ។

ការផលិតផ្នែកឧស្សាហកម្មត្រូវបានពន្លឿន សេវាកម្មបានកើនឡើងលឿនបង្គួរ ល្បឿនកំណើននៃការលក់ដូរក្នុងទីផ្សារបានស្តារឡើងវិញ ការវិនិយោគខាងអចលនទ្រព្យបានប្រែពីការធ្លាក់ចុះទៅជាការកើនឡើង ការនាំចេញនាំចូលទំនិញបានកើនឡើងយ៉ាងឆាប់រហ័ស ឱកាសការងារមានភាពនឹងនរ អត្រាកំណើននៃថ្លៃអ្នកប្រើប្រាស់បានកើនឡើង។

ក្នុងសន្និសីទសារព័ត៌មានរបស់ការិយាល័យព័ត៌មាន នៃក្រុមប្រឹក្សាកិច្ចការរដ្ឋចិនដែលបើកធ្វើនៅថ្ងៃទី១៦ ខែមីនា លោក Fu Linghui អ្នកនាំពាក្យនៃរដ្ឋបាលជាតិស្ថិតិចិនបានថ្លែងថា នៅដំណាក់កាលក្រោយ យើងត្រូវប្រកាន់ខ្ជាប់នូវទិសដៅការងារទូទៅ ដែលស្វែងរកការវិវឌ្ឍរីកចម្រើនប្រកបដោយភាពនឹងនរ អនុវត្តគោលនយោបាយម៉ាក្រូឱ្យកាន់តែសកម្ម អភិវឌ្ឍកម្លាំងផលិតកម្មគុណភាពថ្មីតាមលក្ខខណ្ឌរៀងៗខ្លួន ខិតខំប្រឹងប្រែងធានាស្ថិរភាពនៃឱកាសការងារ សហគ្រាស ទីផ្សារនិងការរំពឹងទុក ដើម្បីជំរុញឱ្យសេដ្ឋកិច្ចសម្រេចបាន នូវការលើកកម្ពស់គុណភាពប្រកបដោយប្រសិទ្ធភាព និងមានបរិមាណកំណើនក្នុងកម្រិតសមរម្យ៕

វិទ្យុមិត្តភាពកម្ពុជាចិន