(សៀងហៃ)៖ រដ្ឋមន្រ្តីការបរទេសចិន លោក Wang Yi បានប្រាប់សមភាគីប៉ាគីស្ថាន លោក Amir ​Khan Muttaqi នៅក្នុងជំនួបតាមទូរស័ព្ទថា ជម្លោះរវាងប៉ាគីស្ថានជាមួយអាហ្វហ្កានីស្ថាន គួរតែត្រូវបានដោះស្រាយដោយការសន្ទនា និងប្រឹក្សាយោបល់ មិនមែនដោយកម្លាំងនោះទេ។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នាថ្ងៃសៅរ៍ ទី១៤ ខែមីនា ឆ្នាំ ២០២៦។

យោងតាមសេចក្តីប្រកាសរបស់ក្រសួងការបរទេសចិន លោក Wang ទទូចឱ្យភាគីទាំងពីរស្ងប់ស្ងាត់ និងអនុវត្តការអត់ធ្មត់ ជួបពិភាក្សាទល់មុខគ្នាឱ្យបានឆាប់តាមដែលអាចធ្វើទៅបាន ស្វែងរកបទឈប់បាញ់បន្ទាន់ និងដោះស្រាយភាពខុសគ្នាតាមរយៈការសន្ទនា។ លោក Wang បាន​និយាយ​ថា ការ​ប្រើ​កម្លាំង​យោធាថែម​ទៀត ​នឹង​ធ្វើ​ឲ្យ​ស្ថានការណ៍​កាន់តែស្មុគស្មាញ។

ការអំពាវនាវនេះបានធ្វើឡើង បន្ទាប់ពីប៉ាគីស្ថាន កាលពីថ្ងៃសុក្រ បានទម្លាក់គ្រាប់បែកលើឃ្លាំងប្រេងឥន្ធនៈមួយ របស់ក្រុមហ៊ុនអាកាសចរណ៍ឯកជន Kam Air នៅជិតអាកាសយានដ្ឋាន Kandahar ប្រទេសអាហ្វហ្គានីស្ថាន ដែលជាការបង្កើនជម្លោះ បើទោះបីជាចិនបានប្រឹងប្រែងសម្រុះសម្រួលក៏ដោយ៕