(បរទេស)៖ ការសិក្សាថ្មីទូទាំងពិភពលោករកឃើញថា ការឆ្លង Covid-19 ធ្វើឲ្យសសៃឈាមចាស់ជាងវ័យប្រហែល៥ឆ្នាំ ហើយវាមានឥទ្ធិពលរឹតតែធ្ងន់ធ្ងរទៅលើស្ត្រី។ អ្នកវិទ្យាសាស្ត្របានរកឃើញថាការឆ្លង COVID-19 បន្តិចបន្តួចអាចធ្វើឲ្យសសៃឈាមរឹងជាងមុន ដែលធ្វើឲ្យមានហានិភ័យខ្ពស់ជាងមុនក្នុងការប្រឈមនឹងជម្ងឺបេះដូង និងរលាកខួរក្បាល (stroke)។

ការសិក្សានេះ ត្រូវបានផ្សព្វផ្សាយក្នុងសាជីវសាស្ត្រ European Heart Journal ដែលបានពិនិត្យលើមនុស្សចំនួន ២,៣៩០ នាក់មកពី១៦ប្រទេស។
លទ្ធផលបង្ហាញថាស្ត្រីជាពិសេសអ្នកដែលមានអាការៈឆ្លង COVID ឬត្រូវបានចូលមន្ទីពេទ្យ គឺជាអ្នកប្រឈមខ្លាំង ពោលគឺមានសសៃឈាមចាស់ជាងវ័យខ្លាំងជាងគេ។ អ្នកស្រាវជ្រាវបានប្រើតេស្តឈ្មោះ Pulse Wave Velocity (PWV) ដើម្បីវាស់ល្បឿននៃការប្រមូលឈាមក្នុងសសៃឈាម។ ពេលឈាមរំកិលលឿន សសៃឈាមរឹងជាងមុន ហើយកាលណាសសៃឈាមរឹង គឺមានហានិភ័យខ្ពស់នៃជម្ងឺបេះដូង។ ស្ត្រីមានវ័យចំណាស់ ការកើនឡើងក្នុង PWV ត្រឹមតែ ០.៥ ម៉ែត្រក្នុងមួយវិនាទី ក៏អាចធ្វើឲ្យមានហានិភ័យជំងឺបេះដូងកើនឡើងដល់ ៣%។

វីរុស COVID-19 ចាប់ភ្ជាប់ទៅនឹង receptor ACE2 នៅលើសសៃឈាម ដែលធ្វើឲ្យមានការរលាក (inflammation) ហើយធ្វើឲ្យសសៃឈាម រងការខូចខាត។ មនុស្សដែលបានចាក់វ៉ាក់សាំង មានការរឹងសសៃឈាមតិចជាង។ ក្នុងករណីជាច្រើន, សសៃឈាមអាចស្ដារឡើងវិញបន្តិចបន្តួចនៅពេលណាមួយ។

សរុបមក ការសិក្សានេះបង្ហាញថាសូម្បីតែការរឹងសសៃឈាមតិចតួច ក៏អាចបង្កហានិភ័យជំងឺបេះដូងបានដែរ។ ដូច្នេះសុខភាពបេះដូង និងសសៃឈាមគួរត្រូវបានតាមដានយ៉ាងម៉ត់ចត់ នៅពេលដែលបានជាសះស្បើយពី COVID-19 ជាពិសេសស្ត្រី ដែលអាចទទួលផលប៉ះពាល់ក្នុងរយៈពេលវែង៕