(បរទេស)៖ ក្លិបបិសាចក្រហម Manchester United បានឈានដល់ផ្លូវបំបែកជាមួយអ្នកចាត់ការទូទៅ លោក Michael Carrick ជាផ្លូវការហើយនៅល្ងាចថ្ងៃព្រហស្បតិ៍ ទី១២ ខែវិច្ឆិកា ឆ្នាំ២០២៦។ នេះបើយោងតាមការចេញផ្សាយនៅលើគេហទំព័រ UEFA។

បុរសសញ្ជាតិអង់គ្លេស វ័យ ៤៥ឆ្នាំរូបនេះ បានដឹកនាំ Man Utd លេងឈ្នះតែ ៣លើកគត់ ក្នុងចំណោម ១៥ប្រកួតសរុបគ្រប់កម្មវិធីនារដូវកាលនេះ ពីការចូលដឹកនាំក្លិបលេងនៅ Premier League ជាលើកទី២ ផងដែរ។

អតីតខ្សែបម្រើសំខាន់របស់បិសាចក្រហម Carrick មានស្ថិតិដ៏ល្អកាលដឹកនាំរដូវកាលមុន តាមរយៈលេង ១៧ប្រកួត ក្នុងនោះឈ្នះ ១២លើកឯណោះ មុនត្រូវបានតែងតាំងជាគ្រូពេញសិទ្ធិ ដោយមានកិច្ចសន្យានៅកីឡដ្ឋាន Old Trafford ២ឆ្នាំ។

គ្រូបង្វឹកសញ្ជាតិអាហ្សង់ទីន Mauricio Pochettino ដែលកំពុងដឹកនាំក្រុមបុរសសហរដ្ឋអាមេរិក នឹងចូលដឹកនាំបន្តពីលោក Carrick ក្រោយមានការព្រមព្រៀងគ្នារួចរាល់កាលពីថ្ងៃម្សិលមិញផងដែរ៕