(ភ្នំពេញ)៖ លោកឧកញ៉ា តែ តាំងប៉ ប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) បានសង្កត់ធ្ងន់ថា សហគ្រាសធុនតូច និងមធ្យម (MSMEs) ដែលផ​លិត ផលិតផលប្រកបដោយគុណភាព និងប្រើប្រាស់កម្ចីចំគោលដៅ មិនចាំបាច់បារម្ភពីការខ្វះខាតទុននោះទេ​ ដោយលោកថា ប្រភពទុននៅមានច្រើន ហើយ​ FASMEC នឹងស្វះស្វែងរកបន្ថែម ដើម្បីគាំទ្រដល់ MSMEs។

លោកឧកញ៉ា តែ តាំងប៉ លើកឡើងបែបនេះ ធ្វើឡើង ក្នុងកិច្ចសន្ទនាពិសេស «ការកសាងប្រព័ន្ធអេកូឡូស៊ីហិរញ្ញប្បទាន MSMEs នៅកម្ពុជា៖ គោលនយោបាយភាពជាដៃគូ កាលានុវត្តភាព និងទិសដៅអនាគត» នៅវេទិកាថ្នាក់ជាតិស្តីពីហិរញ្ញប្បទានសម្រាប់សហគ្រាសធុនមីក្រូ តូច និងមធ្យម (MSMEs) លើកទី១ ឆ្នាំ២០២៦ ក្រោមប្រធានបទ «លទ្ធភាពទទួលបានហិរញ្ញប្បទានរបស់ MSMEs» នៅថ្ងៃទី២៨ ខែ​តុលា ឆ្នាំ២០២៦។

លោកឧកញ៉ា តែ តាំងប៉ ​បានជំរុញឱ្យអាជីវករកសាងទំនុកចិត្តដោយប្រើប្រាស់កម្ចីប្រកបដោយប្រសិទ្ធភាព និងមិនត្រូវយកទៅប្រើប្រាស់ខុសគោលដៅឡើយ។ ការធ្វើបែបនេះនឹងធ្វើឱ្យធនាគារមានជំនឿចិត្តក្នុងការផ្តល់កម្ចីបន្ថែម៕

​សូមស្តាប់ការលើកឡើងបន្ថែមរបស់ លោកឧកញ៉ា តែ តាំងប៉៖