(ភ្នំពេញ)៖ លោក ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម បានគូសបញ្ជាក់ថា ចលនាជាតិនិយមគាំទ្រផលិតផលខ្មែរ នៅតែបន្តមានកម្លាំងខ្លាំងក្លានៅក្នុងសង្គម និងទីផ្សារកម្ពុជា​ ដោយលោករកត់សម្គាល់​ថាសន្ទុះនៃការគាំទ្រផលិតផលខ្មែរនៅក្នុងទីផ្សារធំៗដូចជា ផ្សារទំនើប និងផ្សារម៉ាតនានា ដែលនៅតែមានភាពរស់រវើក។

លោកបានបន្ថែមថា គំនិតនៃការមិនប្រើប្រាស់ផលិតផលបរទេស ជាពិសេសផលិតផលថៃ នៅតែជាគោលជំហរមួយដែលអ្នកជាតិនិយមខ្មែរ ជាពិសេសក្នុងចំណោមយុវជន នៅតែប្រកាន់ខ្ជាប់​។
លោកបន្តថា ទោះបីជាបច្ចុប្ប​ន្ននេះ មតិមួយចំនួនមានការយល់ឃើញ​ យុទ្ធនាការគាំទ្រផលិតផលខ្មែរហាក់មានភាពទន់ខ្សោយក៏ដោយ ប៉ុន្តែលោកសង្កេតឃើញថា សន្ទុះនៃការគាំទ្រផលិតផលខ្មែរ​នៅតែមានភាពរស់រវើក។ជា​មួយគ្នានេះ លោកសង្កេតឃើញថា ផលិតផលខ្មែរបានរីកចម្រើនយ៉ាងខ្លាំង រាប់ពាន់មុខ បានចូលទៅជំនួសទីផ្សារនៅច្រើនផ្នែកនៃតម្រូវការក្នុងស្រុក និងថែមទាំងបាននាំចេញទៅកាន់ទីផ្សារអន្តរជាតិទៀតផង៕ ​

សូមស្តាប់ការលើកឡើងបន្ថែមរបស់ លោក ប៉ែន សុវិជាតិ៖