​(ភ្នំពេញ)៖ លោក ស៊ីន ចាន់សិរីវត្ថា រដ្ឋលេខាធិការ និងជាអ្នកនាំពាក្យនៃរដ្ឋលេខាធិការដ្ឋានអាកាសចរស៊ីវិល បានថ្លែង​ថា កម្ពុជា​បន្តខិតខំប្រឹងប្រែង​ក្នុងការរក្សា ​ពិន្ទុទាក់ទងនឹងប្រព័ន្ធសុវត្ថិភាព និងសន្តិសុខហោះហើរ ដើម្បីសម្រេចបាននូវការតភ្ជាប់ជើងហោះហើរផ្ទាល់ជាមួយសហរដ្ឋអាមេរិក​ ដោយ​លោកបានគូសបញ្ជាក់ថា សហរដ្ឋអាមេរិកមានលក្ខខណ្ឌតម្រូវការខ្ពស់ និងតឹងរ៉ឹងជាងបណ្តាប្រទេសដទៃទៀត សម្រាប់ការហោះហើរចូលទៅកាន់ដែនអាកាសរបស់ខ្លួន។

លោក ស៊ីន ចាន់សិរីវត្ថា ​​បានឱ្យដឹងថា កន្លងមក កម្ពុជាទទួលបានពិន្ទុខ្ពស់ជាងមធ្យមភាគក្នុងតំបន់ ប៉ុន្តែត្រូវតែបន្តប្រឹងប្រែងបន្ថែមទៀត ដើម្បីកុំឱ្យពិន្ទុធ្លាក់ចុះ។ លោកបានបន្ថែមថា ក្រៅពីពិន្ទុ ICAO អាជ្ញាធរអាកាសចរណ៍សហព័ន្ធអាមេរិក (FAA) និងក្រសួងដឹកជញ្ជូនអាមេរិក ក៏មានការវាយតម្លៃបន្ថែមលើទិដ្ឋភាពបច្ចេកទេស សុវត្ថិភាព សន្តិសុខ និងលទ្ធភាពពាណិជ្ជកម្មផងដែរ។

លោក ស៊ីន ចាន់សិរីវត្ថា លើកឡើងបែបនេះ ធ្វើឡើងក្នុងកម្មវិធី FRESH BUSINESS​ ពិភាក្សាលើប្រធានបទ៖ «អនាគតនៃទំនាក់ទំនងកម្ពុជា-អាមេរិក លើវិស័យអាកាសចរណ៍»។

សូមទស្សនាការលើកឡើងបន្ថែមរបស់ លោក ​ស៊ីន ចាន់សិរីវត្ថា៖