(ភ្នំពេញ)៖ អ្នកឧកញ៉ា សៀ ឬទ្ធី ជាអនុប្រធានសមាគមឧកញ៉ាកម្ពុជា និងជាប្រធានក្រុមប្រឹក្សាភិបាល នៃក្រុមហ៊ុន វើលដ៏ ប្រ៊ីដ គ្រុប (WorldBridge Group) បានអំពាវនាវសាធារណជន ជឿជាក់លើរាជរដ្ឋាភិបាល និងធនាគារជាតិ ក្នុងការដោះស្រាយភាពមិនប្រក្រតីរបស់ធនាគារមួយចំនួននៅកម្ពុជា។

អនុប្រធានសមាគមឧកញ៉ាកម្ពុជា បានលើកឡើងថា «មួយរយៈកាលចុងក្រោយនេះ វាមានភាពមិនប្រក្រតីខ្លះទៅលើធនាគារខ្លះ តែយើងត្រូវតែជឿជាក់ទៅលើរាជរដ្ឋាភិបាល ត្រូវតែជឿជាក់ទៅលើធនាគារជាតិ ដែលជាអាណាព្យាបាល ជានិយតករ ជាអ្នកត្រួតពិនិត្យទៅមើលវិស័យធនាគារទាំងអស់ »។

អ្នកឧកញ៉ា សៀ ឬទ្ធី បន្តថាអតិថិជន ឬក៏សាធារណជន អាចប្រាកដក្នុងចិត្តថា ធនាគារជាតិ បាននិងកំពុងតាមដាន និងត្រួតពិនិត្យច្បាស់លាស់ណាស់។ មួយវិញទៀតយើងឃើញថា បើយើងនិយាយពីវិស័យធនាគារ ធនាគារជាតិខ្មែរ ធនាគារជាតិរបស់កម្ពុជាយើង គឺជា Regulator មួយដែលមានភាពម៉ត់ចត់មែនទែន ក្នុងការត្រួតពិនិត្យធនាគារពាណិជ្ជ៕

សូមស្តាប់ការលើកឡើងទាំងស្រុងរបស់អ្នកឧកញ៉ា សៀ ឬទ្ធី ដូចតទៅ៖