(ភ្នំពេញ)៖ លោកវរសេនីយ៍ទោ ឆាយ ប៊ុនរម្យម៉ានិត នាយការិល័យប្រឆាំងបទល្មើសសង្គមបច្ចេកវិទ្យា ​​បានឱ្យដឹងថា ការប្រើប្រាស់បណ្តាញសង្គម គឺជាសិទ្ធិសេរីភាពរបស់បងប្អូនប្រជាពលរដ្ឋ ហើយប្រជាពលរដ្ឋក៏មានសិទ្ធិក្នុងការបញ្ចេញមតិ​ ប៉ុន្តែយ៉ាងក្តី មុនបង្ហោះ ឬចែកចាយ (Share) ព័ត៌មានណាមួយ គួរតែគិតពិចារណា និងត្រួតពិនិត្យ ឬផ្ទៀងផ្ទាត់ឱ្យបានច្បាស់ ជៀសវាងរួមចំណែកចែកចាយព័ត៌មានមិនពិត ដែលបង្កភាពអវិជ្ជមានដល់សង្គម។

លោកបន្ថែមថា ដើម្បីដឹងថា ព័ត៌មាននោះពិត ឬក្លែងក្លាយ គួរតែស្វែងរកប្រភពព័ត៌មាន ចេញពីក្រសួងស្ថាប័នរបស់រដ្ឋ ដែលមានសញ្ញាបញ្ជាក់ប្លូរ ធីក។

មន្រ្តីនគរបាលប្រឆាំងបទល្មើសបច្ចេកវិទ្យា លើកឡើងបែបនេះ ធ្វើឡើង ក្នុងកម្មវិធី CYBER SECURITY: ជជែកពីសន្តិសុខសាយប័រ លើប្រធានបទ៖ «ហានិភ័យ និង​សុវត្ថិភាព​ផ្ទាល់ខ្លួន ចំពោះ​អ្នក​ប្រើប្រាស់​បណ្ដាញ​សង្គម​នៅ​កម្ពុជា» ៕

សូមស្តាប់ការលើកឡើងរបស់ លោកវរសេនីយ៍ទោ ឆាយ ប៊ុនរម្យម៉ានិត ទាំងស្រុង៖