(ភ្នំពេញ)៖ លោកមេធាវី អ៊ុំ រតនា ​ប្រធានសមាគមកម្មសិទ្ធិបញ្ញាកម្ពុជា បានលើកឡើងថា ការអនុវត្តច្បាប់កម្មសិទ្ធិបញ្ញាបានពេញ​លេញ នោះនឹងជំរុញឱ្យមានការប្រកួតប្រជែងដោយស្មោះត្រង់ និងការបង្កើតថ្មីនៅកម្ពុជា ក៏ដូចជាទាក់ទាញវិនិយោគិនធំៗបានផងដែរ។

លោកបានពន្យល់ថា នៅពេលដែលមានការបណ្តោយឱ្យមានការលួចចម្លង ឬរំលោភកម្មសិទ្ធិបញ្ញា នោះ​ម្ចាស់ដើមដែលបង្កើតផលិតផល ឬសេវាកម្មអ្វីមួយនឹងរងការខាតបង់ ខណៈអ្នកដែលលួចចម្លង នឹងផលប្រ​​​យោជន៍ច្រើនជាង។ ដូច្នេះហើយបញ្ហានេះនឹងប៉ះពាល់ដល់ការវិនិយោគ និងធ្វើក្រុមហ៊ុនធំៗមានការស្ទាក់ស្ទើក្នុងការមកបណ្តាក់ទុននៅកម្ពុជា ដោយសារគ្មានការការពារកម្មសិទ្ធិបញ្ញា ដែលធ្វើឱ្យពួកគេមិនអាចព្យាករណ៍នូវប្រាក់ចំណេញរបស់ខ្លួនបាន។

លោកមេធាវី អ៊ុំ រតនា លើកឡើងបែបនេះ ធ្វើឡើងក្នុង FRESH BUSINESS​ ពិភាក្សាលើប្រធានបទ៖ «សារៈសំខាន់នៃការអនុវត្តច្បាប់កម្មសិទ្ធិបញ្ញា ​លើ​កំណើន​ផលិតកម្ម​ និង​វិនិយោគនៅកម្ពុជា»។

សូមស្តាប់ការពន្យល់បន្ថែមរបស់ ​លោកមេធាវី អ៊ុំ រតនា៖