(ភ្នំពេញ)៖ លោក ស៊ូ សុជាតិ ​អគ្គនាយក​និយ័ត​ករ​មូលបត្រ​កម្ពុជា មានប្រសាសន៍ថា ក្នុងការងារឈានជើងចូលទីផ្សារមូលបត្របានឬមិនបាន គឺត្រូវអាស្រ័យទៅលើឆន្ទៈរបស់ក្រុមហ៊ុននីមួយៗ ខណៈនិយ័តករបានត្រៀមខ្លួនជាស្រេច ដើម្បីជួយគាំទ្រដល់ពួកគេ។

លោកបានលើកឡើងថា បើសិនបើក្រុមហ៊ុនណាមួយ មានឆន្ទៈចូលទីផ្សារពិតប្រាកដ គាត់នឹងត្រៀមក្រុមការងារ ក្នុងការធ្វើការងារជាមួយនិយ័តករ ដើម្បីរៀបចំឯកសារ សម្រាប់ចុះបញ្ជី។ តែយ៉ាងណាមិញ កន្លងមកបញ្ហាប្រឈមដែលពិបាកក្នុងការចូលទីផ្សារ គឺក្រុមហ៊ុនមិនបានរៀបចំក្រុមការងារច្បាស់លាស់ក្នុងការធ្វើការងារនេះ​ និងពិបាកទាក់ទងគ្នា។

លោក ស៊ូ សុជាតិ លើកឡើងបែបនេះ ធ្វើឡើងក្នុងកម្មវិធី FRESH BUSINESS​ ពិភាក្សាលើប្រធានបទ៖ «សន្ទុះទីផ្សារក្នុងវិស័យមូលបត្រកម្ពុជា, តើវិស័យនេះផ្តល់ទំនុកចិត្តបែបណាចំពោះវិនិយោគិន?»៕

សូមស្តាប់ការលើកឡើងរបស់ លោក ស៊ូ សុជាតិ៖